养儿一百岁，长忧九十九，係一个不争嘅事实；的确要养儿育女真係好多事情需要担心，由BB出世，至小朋友、至年青阶段，甚至成年之后一样事事担心。最近英国一项研究就调查出，每位家长每日起码担心子女6次，一日就一共40分钟！

负责做研究嘅英国石油公司就搵咗2千位英国父母，得出呢个结果。究竟父母最常对子女感觉压力嘅事係咩呢？头5位分别就係「孩子表现比以前更差」、「不愿上床睡觉」、「吃下不许吃的食物」、「玩手机或看电视」、「不愿意清理房间」。研究人员指出每次为子女担心都会令父母增加压力，要继而影响身体及精神健康。知道要大家唔好担心都係徒然同无可能，不过佢建议大家要多分配时间做自己想做嘅事情，千万唔好将全部时间分配落子女身上；同时，亦要同伴侣分配照顾时间，分担一下，唔好独自承受。当然教育小朋友係一门高深学问，最好可以令到小朋友事事都自律，咁就唔使长期都要忧心啦，係咪？